काठमाडौं । प्रधानन्यायाधीश चोलेन्द्रशमशेर जबराविरुद्धको महाअभियोग प्रस्ताव निष्प्रभावी भएको भनी संघीय संसद्का महासचिव भरतराज गौतमले दिएको पत्र अवैधानिक रहेको भन्दै सर्वोच्च अदालतमा रिट पेस भएको छ ।
त्यसको कानुनी आधार नभएको र उहाँको निर्णय गर्ने कानुनी हैसियत पनि नभएको भन्दै पत्र खारेज माग गर्दै सर्वोच्च बार एसोसिएसनका अध्यक्ष पूर्णमान शाक्य लगायतका पदाधिकारीहरूले रिट दायर गरेका हुन् । सर्वोच्चले रिटमा पेसी भने तोकिसकेको छैन ।
पेस गरिएको उक्त पत्रमा असंवैधानिक र गैर कानुनी भएकाले बदर हुनु पर्ने माग गरिएको सर्वोच्च बार एसोसिएसनका सदस्य अनन्तराज लुइँटेलले जानकारी दिनुभयो ।
