२०८३, भाद्र ८ गते
- यो साता चर्चामा :
काठमाडौँ। नेकपा एमाले अध्यक्ष केपी शर्मा ओलीले प्रधानमन्त्री शेरबहादुर देउवा र माओवादी केन्द्रका अध्यक्ष पुष्पकमल दाहाल प्रचण्ड दुवै प्रतिगमनकारी भएको आरोप लगाउनुभएको छ ।
कालिकोटमा आज आयोजित चुनावी आमसभामा बोल्दै ओलीले सो आरोप लगाउनुभएको हो ।
ओलीले प्रतिधिनिसभा विघटनको प्रतिरक्षा गर्दै प्रचण्डले आफुले गरेको प्रतिबद्धताअनुसार अघि नबढेका कारण प्रतिनिधिसभा विघटन गरेको दाबी गर्नुभएको छ ।
उहाँले आफू सचिवालय, स्थायी कमिटी, पोलिटब्युरो, केन्द्रीय कमिटीमा अल्पमतमा पर्ने जान्दा जान्दै पनि वामपन्थी शक्तिलाई एकै स्थानमा ल्याउन प्रयास गरेको बताउनुभयो ।
उहाँले अदालतमा सेटिङ गरेर देउवा र प्रचण्ड मिलेर आफ्नो सरकार हटाइएको आरोप लगाउदै यो गठबन्धनको आयु लामो नभएको समेत टिप्पणी गर्नुभयो ।
