२०८३, भाद्र ७ गते
- यो साता चर्चामा :
सुर्खेत । विशेषज्ञ चिकित्सकसहितका स्वास्थ्यकर्मीहरुमा कोरोना सङ्क्रमण पुष्टिभएपछि बन्द भएको यहाँस्थित प्रदेश अस्पतालको बहिरङ्ग सेवा (ओपीडी) पुनः शुरु हुने भएको छ ।
दश दिनदेखि बन्द ओपीडी सेवा भोलि (आइतबार)देखि सञ्चालन हुने अस्पतालले जनाएको छ । अस्पतालमा कोभिड–१९ का सङ्क्रमितहरुको उपचार तथा व्यवस्थापकीय नेतृत्व गर्ने चिकित्सकसहितका नौ स्वास्थ्यकर्मीमा सङ्क्रमण देखिएको थियो ।
उनीहरु प्रदेश अस्पतालकै कोरोना विशेष अस्पतालको आइसोलेसनमा रहेका छन् । यही असार ११ गतेदेखि बन्द ओपीडी सेवा भोलिदेखि सञ्चालन गरिने अस्पतालका निर्देशक डा. डम्बर खड्काले जानकारी दिनुभयो । रासस
