२०८३, भाद्र ७ गते
- यो साता चर्चामा :
काठमाडौं । शिक्षा,विज्ञान तथा प्रविधि मन्त्री देवेन्द्र पौडेलले बागलुङ क्षेत्र नम्बर २ मा सत्ता गठबन्धनले जित्ने दाबी गर्नुभएको छ।
मंगलबार जिल्लाको ढोरपाटन नगरपालिका वडा नम्बर ९ मा भएको चुनावी सभामा उहाँले यस्तो बताउनुभएको हो ।
पौडेलले मतपत्रमा हँसिया हथौडा र रुखमा मात्रै हेर्न मतदाताहरूलाई आग्रह गर्नुभयो। उहाँले भन्नुभयो, ‘कुरा सिधा छ, यो ठाउँमा सजिलो छ,तपाइँहरुको आँखा पक्कै अरु ठाउँमा जाने छैन, हँसिया हथौडा र रुख यी दुई वटा कुरा हेरे पुग्छ, यसरी गएमा निर्वाचनमा जित्नेमा कुनै समस्या छैन ।’
उहाँले बागलुङमा धेरै विकासका काम गरेको बताउँदै अझै पनि छुटेका भौतिक संरचनाहरु निर्माण गर्ने बताउनुभयो ।
‘कतिपयले विद्यालय निर्माणमा छुटेको भन्ने छ,अहिले नै टिपेर दिनुस्, म यतिखेर बहालवाला मन्त्री छु, म समेट्ने प्रयास गर्ने छु,’ उहाँले भन्नुभयो ।
