काठमाडौं । काठमाडौं निर्वाचन क्षेत्र नम्बर ७ बाट मानुषी यमी भट्टराईले उम्मेदवारी मनोनयन दर्ता गर्नुभएको छ । आइतबार आमा हिसिला यमीसँगै बालाजु पुगेर मानुषीले उम्मेदवारी दर्ता गराउनुभएको हो ।
मानुषी सत्ता गठबन्धनकी साझा उम्मेदवार हुनुहुन्छ । उहाँ नेकपा माओवादी केन्द्रको हँसिया हथौडा चिह्नबाट चुनाव लड्दै हुनुहुन्छ । यो क्षेत्रमा एमालेको समर्थनमा जसपाका वरिष्ठ नेता राजेन्द्र श्रेष्ठले उम्मेदवारी दिँदै हुनुहुन्छ ।
