काठमाडौं । नेपाल कम्युनिष्ट पार्टी (नेकपा)का दुई अध्यक्ष केपी शर्मा ओली र पुष्पकमल दाहाल ‘प्रचण्ड’बीच भेटवार्ता सुरु भएको छ ।

प्रधानमन्त्रीसमेत रहेका पार्टी अध्यक्ष ओली र अर्का अध्यक्षबीच बालुवाटारमा अहिले छलफल भइरहेको छ । बिहीबार बस्ने सचिवालय बैठकको पूर्वसन्ध्यामा दुई अध्यक्षबीच आज छलफल भइरहेको हो ।

सचिवालय बैठकका एजेण्डाबारे छलफल गर्न ओली–प्रचण्डबीच बैठक बसेको बताइएको छ । यसअघि भदौ १३ गतेका लगि तय भएको सचिवालय बैठक नेताहरु ईश्वर पोखरेल र रामबहादुर थापा होम क्वारेन्टिनमा बसेका कारण सारिएको थियो ।

बिहीबारको बैठकमा नेकपा विवाद समाधानका लागि गठित कार्यदलले बुझाएको प्रतिवेदन र राष्ट्रिय सभामा पठाउने सांसदको बारेमासमेत छलफल हुने बताइएको छ ।