२०८३, भाद्र ९ गते
- यो साता चर्चामा :
काठमाडौं । पछिल्लो २४ घण्टा नबित्दै नेपालमा थप ८ जनाको कोरोनाबाट मृत्यु भएको छ । काठमाडौं उपत्यकामा पाँच, भैरहवामा दुई र वीरगञ्जमा एक जनाको मृत्यु भएको हो ।
त्यस्तै, तनहुँका एक पुरुषको पनि उपचारका क्रममा मृत्यु भएको अस्पतालले जनाएको छ ।
त्यसैगरी, ललितपुरको पाटन अस्पतालमा भक्तपुरका एक पुरुषको उपचारका क्रममा मृत्यु भएको हो ।
यस्तै, भदौ ९ गते अस्पताल भर्ना भएका धादिङका ४७ वर्षका अर्का पुरुष र १३ गते भर्ना भएकी ललितपुर सातदोबाटोकी ७० वर्षीया महिलाको पनि मृत्यु भएको छ ।
यसैगरी, रुपन्देहीको भीम अस्पतालमा पनि पश्चिम नवलपारासीको रामग्राम नगरपालिका–५ परासीकी ६५ वर्षीया महिलाको कोरोना संक्रमणले मृत्यु भएको हो ।
साथै, बुटवलको कोरोना विशेष अस्पतालमा उपचारका क्रममा कपिलवस्तु नगरपालिका–११ की ६० वर्षीया महिलाको निधन भएको लुम्बिनी प्रादेशिक अस्पतालका सूचना अधिकारी डा. विष्णु गौतमले जानकारी दिनुभयो ।
यता, वीरगञ्जको गण्डक अस्पतालमा बाराको सिम्रौनगढ नगरपालिका–९ बसबरियाटोलका ९७ वर्षका वृद्धको मृत्यु भएको हो ।
त्यसैगरी, पर्सा र बारामा थप नयाँ कोरोना संक्रमित थपिएका छन् । नारायणी अस्पतालको प्रयोगशालामा गरिएको परीक्षणमा थप ६४ जनामा कोरोना संक्रमण पुष्टि भएको हो ।
यसका साथै, कर्णाली स्वास्थ्य विज्ञान प्रतिष्ठान, शिक्षण अस्पतालमा गरिएको परीक्षणमा थप ४० जनामा संक्रमण पुष्टि भएको छ ।
उता, गण्डकी प्रदेशमा थप ३५ जना संक्रमित पुष्टि भएको छ ।
यसैगरी, चितवनको कोभिड–१९ प्रयोगशालामा गरिएको परीक्षणमा ३५ जनामा संक्रमण पुष्टि भएको छ । साथै, सुदूरपश्चिम प्रदेशमा थप १० जनामा कोरोना संक्रमण पुष्टि भएको छ ।
