काठमाडौं । सत्तारुढ नेपाल कम्युनिष्ट पार्टी (नेकपा)का कार्यकारी अध्यक्ष पुष्पकमल दाहाल ‘प्रचण्ड’ले विचार मात्रले पार्टी नबन्ने बताउनुभएको छ । सामाजिक सञ्जाल ट्वीटरमा आज प्रचण्डले पार्टी भनेको विचार र विधिको वैज्ञानिक संयोजन हो भन्नुभएको छ।

‘पार्टी भनेको विचार र विधि हो । विचार मात्रैले पनि पार्टी बन्दैन र विधि मात्रैले पनि पार्टी बन्दैन । अझ कम्युनिस्ट पार्टी भनेको विचार र विधिको वैज्ञानिक संयोजन हो,’ प्रचण्डको आधिकारिक ट्वीटर ह्याण्डलमा लेखिएको छ ।

प्रचण्डको ट्वीट के सन्दर्भमा आएको र कसप्रति लक्षित भन्ने उल्लेख छैन । स्थायी कमिटी बैठकसँगै सुरु भएको पार्टी भित्रको विवाद अहिले केही मत्थर भएको छ ।

महासचिव विष्णु पौडेलको नेतृत्वमा बनेको कार्यदलले नेकपा विवाद समाधानका लागि प्रतिवेदन तयार गरेपछि लामो समय चलेको अन्तरकलह साम्य हुने चरणमा छ ।