काठमाडौं । पछिल्लो २४ घण्टामा एक हजार २२१ जनामा कोरोना संक्रमण पुष्टि भएको छ । देशभरका प्रयोगशालामा १२ हजार ७१७ नमुना परीक्षण गर्दा ३४८ महिला र ८७३ पुरुषमा संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।

आजको नियमित प्रेस ब्रिफिङमा स्वास्थ्य मन्त्रालयका प्रवक्ता डा. जागेश्वर गौतमले दिएको जानकारी अनुसार देशभर ३४८ महिला र ८७३ पुरुष गरी कूल एक हजार २२१ जना संक्रमित थपिएका हुन् ।

संक्रमितमध्ये काठमाडौं उपत्यकामा मात्र ४२९ संक्रमित थपिएका छन् । मन्त्रालयका प्रवक्ता डा. गौतमका अनुसार काठमाडौं जिल्लामा ३७२, ललितपुरमा १२ र भक्तपुरमा ४५ जनामा संक्रमण पुष्टि भएको हो ।