काठमाडौं । राष्ट्रिय प्रजातन्त्र पार्टीका अध्यक्ष राजेन्द्र लिङ्देनले मुलुकलाई कांग्रेस र कम्युनिस्टको चक्रव्यूहबाट बाहिर निकाल्नुपर्ने बताउनुभएको छ ।
आज काठमाडौंमा आयोजित पार्टी प्रवेश कार्यक्रममा उनले मूलक तीन दशकदेखि कांग्रेस र कम्युनिस्ट पार्टीको चक्रव्यूहमा रहेको र अहिलेको निर्वाचनबाट त्यसलाई तोड्नुपर्ने बताउनुभयो ।
उहाँले मुलुकलाई चक्रव्यूहबाट बाहिर निकाल्न राप्रपाको चुनाव चिह्नलाई साझा चुनाव चिह्नका रुपमा उपयोग गर्न पनि प्रस्ताव गर्नुभएको छ ।
भ्रष्ट नेतालाई विस्थापित गर्न चुनाव सबैभन्दा राम्रो मौका निर्वाचन भएको लिङ्देनले बताउनुभयो । ‘नेपाली जनताले आफ्नो भ्रष्ट नेता विस्थापित गर्न लाठी बोक्न पर्दैन स्वस्तिक छापको ठिक ढंगले प्रयोग गरे पुग्छ’ उहाँको भनाई छ ।
