गृह मन्त्रालयले कोरोनाको महामारीविरुद्ध अग्रपंक्तिमा रहेर काम गरिरहेका स्वास्थ्यकर्मीविरुद्ध दुव्र्यवहार भइरहेको घटनाप्रति ध्यानाकर्षण भएको जनाएको छ ।

मन्त्रालयले त्यस्ता गतिविधिमा संलग्न हुनेलाई कारवाही गर्न मातहतका निकायलाई निर्देशन दिइएको जनाएको छ ।

पछिल्लो समय स्वास्थ्यकर्मीका घरका छिमेकीले अभद्र व्यवहार गरेको र विरोध प्रदर्शन गरिरहेका समाचार बाहिर आएपछि त्यस्ता गतिविधिको चर्को आलोचना भइरहेको छ ।

स्वास्थ्यकर्मी बसेका ठाउँमा कोरोना संक्रमण फैलने भन्दै काठमाडौंको बानेश्वरमा हिजो स्थानीयले प्रदर्शन गरेका थिए ।