काठमाडौं । प्रदेश नम्बर ५ की सांसद कृष्णा केसीसहित बाँकेमा बिहीबार २८ जना कोरोना संक्रमणमुक्त भएका छन् । बाँके क्षेत्र नम्बर १ (क) की सांसद केसीसहित २८ जना कोरोनामुक्त भएर बिहीबार बिहान घर फर्किएका हुन् ।

१३ जना महिलासहित २८ जना संक्रमितहरु डिस्चार्ज भएको स्वास्थ्य कार्यालय बाकेका फोकल पर्सन नरेश श्रेष्ठले जानकारी दिनुभयो । त्यस्तै लक्षण नदेखिएका ५१ जना सक्रमितलाई पनि डिस्चार्ज गरिनेबारे छलफल भइरहेको उहाँले बताउनुभयो ।

बाँकेमा अन्य जिल्लाका तीन जनासमेत गरी ७६६ संक्रमितमध्ये ४९६ जना घर फर्किसकेका छन् । हाल २६६ जना संक्रमित आइसोलेसनमा रहेका छन् । त्यस्तै कोरोना संक्रमणका कारण बाँकेमा ४ जनाले मृत्यु भएको छ ।