संघीय संसद्का एक सांसदलाई कोरोना भाइरस संक्रमण पुष्टि भएको छ । अछाम क्षेत्र नम्बर –२ का सांसद यज्ञबहादुर बोगटीलाई कोरोना देखिएको हो ।

उहाँ ललितपुरमा कोठा लिएर बसिरहनुभएको थियो । यद्यपि, त्यहाँ होम आइसोलेसन बस्न मिल्ने संरचना नभएकाले उहाँ अहिले कीर्तिपुरस्थित आयुर्वेद अस्पतालको आइसोलेसनमा हुनुहुन्छ ।

साउन ३० मा पिसिआार गर्नुभएको उहाँको रिपोर्ट पोजिटिभ आएपछि आइसोलेसनमा जानुभएको हो ।

यसअघि संघीय संसद्का सांसद प्रदीप यादवलाई कोरोना लागेको थियो । यादव भने कोरोनामुक्त भइसक्नुभएको छ ।