काठमाडौं । कोरोना भाइरस रोकथाम तथा संकट व्यस्थापन केन्द्र (सिसिएमसी) निर्देशक समितिको बैठक आज बस्दैछ । देशभर कोरोना संक्रमितको संख्या बढेसँगै आगामि रणनीतिबारे छलफल गर्न सिसिएमसीको बैठक बस्न लागेको हो ।

सिंहदरबारमा बस्न लागेको सिसिएमसीको बैठक आज साँझ ५ बजेका लागि तय गरिएको छ । संक्रमण देखिएको ठाउँमा लकडाउन र सिल गर्नका लागि योजना बनाउनेबारे छलफल हुने सिसिएमसी स्रोतले जनाएको छ ।

सरकारले एकमुष्ट रूपमा लकडाउन नगरे पनि स्थानीय तह र जिल्ला प्रशासनहरूले आवश्यकताका आधारमा निषेधाज्ञा र लकडाउन गरिरहेका छन । लकडाउनलाई कसरी थप व्यवस्थित र प्रभावकारी बनाउन सकिन्छ भन्नेबारे पनि आजको बैठकमा छलफल हुने बताइएको छ ।