पर्साका थप ६६ जनामा कोरोना संक्रमण पुष्टि भएको छ । नारायणी अस्पतालको प्रयोगशालामा गएराति गरिएको परीक्षणमा १७ महिलासहित ६६ जनामा कोरोना संक्रमण पुष्टि भएको हो ।

उनीहरूमध्ये जिल्ला प्रहरी कार्यालय पर्साका पाँच र वडा प्रहरी कार्यालय विर्ताका दुई गरी सात जना प्रहरी पनि रहेका छन् ।

संक्रमण पुष्टि भएका २५ जना पर्साको बहुदरमाई नगरपालिकाका हुन् । बहुदरमाई नगरपालिका–४ बहुअरीका २० जना र अन्य वडाका ५ जना संक्रमित छन् ।

त्यस्तै, वीरगन्ज महानगरपालिका –१० मुर्तिचोकका आठ जना र छपकैयाका पाँच जनामा पनि कोरोना पोजेटिभ देखिएको छ ।

बाराको परसौनी गाउँपालिकामा चार, पिलुवामा तीन, सिम्रौनगढका एक र कलैया–६ का एकजनामा संक्रमण देखिएको छ ।