२०८३, भाद्र ८ गते
- यो साता चर्चामा :
काठमाडौं । नेपाल प्रहरीका ५ जना नायब महानिरीक्षक (डीआईजी) अतिरिक्त महानिरीक्षक (एआईजी) बढुवाका लागि सिफारिस भएका छन्।
गृह मन्त्रालयमा सोमबार(आज) बसेको बढुवा समितिको बैठकले डीआईजी उत्तमराज सुवेदीसहित ५ जनालाई एआईजीमा बढुवा गर्न सिफारिस गरेको हो ।
बढुवा सिफारिस सूचीअनुसार पहिलो नम्बरमा सुवेदी, दोस्रोमा अरुणकुमार बिसी र तेस्रोमा दिवेश लोहोनी छन् । त्यसपछि मुकुन्दराज आचार्य र पूजा सिंह एआईजीमा बढुवाका लागि सिफारिस भएका छन् ।
यसअघि डीआईजी वसन्तकुमार लामालाई एआईजीमा एकल बढुवा गरिएको थियो । तर उमेरहदका कारण उनले शनिबारबाटै अवकाश पाइसकेका छन् ।
