काठमाडौं । संवैधानिक नियुक्तिबारे सत्तारुढ नेकपाका अध्यक्षद्वय र प्रमुख विपक्षी दलका नेता शेरबहादुर देउवाबीच छलफल भएको छ । नेकपा अध्यक्ष तथा प्रधानमन्त्री केपी शर्मा ओली, अर्का अध्यक्ष पुष्पकमल दाहाल ‘प्रचण्ड’ र प्रतिपक्षी दल कांग्रेसका सभापति देउवाबीच सोमबार छलफल भएको हो ।

छलफलका क्रममा देउवाले संवैधानिक अंगहरुमा छिटो नियुक्तिको प्रक्रिया अगाडी ढाउनुपर्नेमा जोड दिनुभएको स्रोतको भनाइ छ । प्रधानमन्त्रीले पनि संवैधानिक परिषद्को बैठक राख्न आफू तयार रहेको बताएको बताइएको छ ।

लामो समयदेखि विभिन्न ४० वटा संवैधानिक पद खाली छन् । तर, समयमा संवैधानिक परिषद्को बैठक नबस्दा यस्ता नियुक्ति रोकिएका छन् ।

भेटमा सभापति देउवाले सिन्धुपाल्चोकको जुगल गाउँपालिकाको लिदी पहिरोमा परेर ज्यान गुमाएको घटनाप्रति प्रधानमन्त्रीको ध्यानाकर्षण गराउनुभएको कांग्रेस केन्द्रीय कार्यालयका मुख्य सचिव कृष्णप्रसाद पौडेलले जानकारी दिनुभयो ।