काठमाडौं । विवेकशील साझा पार्टीका अध्यक्ष रवीन्द्र मिश्रले धनगढी उपमहानगरपालिकाको मेयरमा स्वतन्त्र उम्मेदवार बन्दै शानदार विजय हासिल गरेका गोपाल हमाललाई बधाई दिँदै धनगढीलाई देशकै नमुना बनाउने अभियानको सफलताका लागि शुभकामना दिएका छन् ।

हमाल विवेकशील साझा पार्टीको सुदूरपश्चिम संयोजकबाट राजीनामा दिएर धनगढीको मेयरमा स्वतन्त्र चुनाव लडेका थिए । उनी गठबन्धनका उम्मेदवार नृपबहादुर वडलाई फराकिलो मतान्तरले पराजित गर्दै विजयी भएका छन् ।

हमाल विजयी भएपछि सामाजिक सञ्जालमार्फत बधाई दिँदै मिश्रले भ्रष्टाचारीलाई जेल पठाउने कार्यमा पनि सफल हुन शुभकामना दिएका छन् ।