वीरगञ्ज । पर्सा र बारामा स्वास्थ्यकर्मी र पत्रकारसहित ४७ जना कोरोना संक्रमित थपिएका छन् । नारायणी अस्पतालको पीसीआर प्रयोगशालामा शनिबार गरिएको परीक्षणमा उनीहरुमा कोरोना संक्रमण पुष्टि भएको हो ।

वीरगञ्जका १७ जना, बाराका ३ जना, नारायणी अस्पतालका कर्मचारी ७ जना, पर्साको पोखरिया नगरपालिकामा १२ जना, पर्सागढी नगरपालिकाका २ जनामा संक्रमण पुष्टि भएको हो ।

यस्तै, विन्दवासिनी, देवरवाना, विरुवागुठी, बहुदरमाई, ठेगाना नखुलेका, रक्सौल पन्टोकाका १–१ जनामा कोरोना संक्रमण देखिएको प्रयोगशालाले जनाएको छ ।