काठमाडौं । अहिले देशैभरी सर्वत्र चाँसोको विषय भरतपुर मेयरमा कसले बाजी मार्ला भन्नेमा छ । नहोस् पनि कसरी, त्यहाँबाट पुष्पकमल दाहलकी छोरी रेनु दाहाल गठबन्धनको तर्फबाट मेयर उम्मेदवार छिन् ।

कहिले माओवादी केन्द्रकी रेनु दाहाल त कहिले एमालेका विजय सुवेदीले मतगणना अनुसार अग्रस्थानमा आउने क्रम निरन्तर जारि छ ।

हालसम्म प्राप्त भएको मतपरिणाम अनुसार रेनुको मतमा व्यापक उछाल आएको छ । २७ हजार ७ सय ४२ मत गन्दा रेनुले १० हजार ७० मत पाएकी छन् ।

यता विजयले भने ८ हजार ३ सय ४९ मत पाएका छन् । यस्तै, बागी उम्मेदवार दिएर भुँईकटहर चिन्हबाट चुनाव लडेका जगन्नाथ पौडेलले भने ४ हजार ५ सय ५५ मत पाएका छन् ।