२०८३, भाद्र ८ गते
- यो साता चर्चामा :
काठमाडौं । अधिकाशं नेपाली दिनचर्या बिहानको चियाबाट शुरु हुन्छ । पाहुना जादाँ वा आउँदा चियाले नै सत्कार गरिन्छ । कुनै भेटघाट वा जमघटमा पनि चिया पिउनु अनिवार्य झै बनेको छ । चिया औपचारिकता होइन, एक प्रकारले नेपाली संस्कार झै बनेको छ ।
त्यसैले चियालाई नेपालीको राष्ट्रिय पेय भने पनि फरक पर्दैन । तर चिया धेरै पिउँदा यसले शरीरमा नकारात्मक असर पार्ने गर्दछ । कालो चिया पिउनु केहि हदसम्म फाइदाजनक भएपनि दूध चिया भने स्वास्थ्यका लागी हानिकारक मानिन्छ ।
यस्ता छन् धेरै चिया पिउदा हुने १५ बेफाइदाहरु :
१. अत्यधिक चिया पिउने मानिसको शरीरमा रोग प्रतिरोधात्मक क्षमता कम हुन्छ ।
२. चिया पकाउदा चियापत्तिलाई धेरैबेर उमाल्नु हुदैन यसले शरीरमा असर पार्दछ ।
३. चिया पिउँदा शरीर तातो हुन्छ भने मान्यता छ तर चियाले शरीरलाई तातो पार्दैन ।
४. एकै पटक धेरै चिया बनाई त्यसैलाई पटक पटक तताएर चिया पिउनु हुदैन ।
५. तातो चिया पिउने मानिसमा भोजन नलीको समस्या देखा पर्दछ ।
६. चियालाई ताततातो पिउनु हुदैन, केहिबेर सेलाएर मात्र पिउनु पर्छ ।
७. धेरै चियापती हालेर चिया खानु हुदैन यसले स्वास्थ्यमा नकारात्मक असर पार्दछ ।
८. दैनिक ३ कप भन्दा बढि चिया पिउनेहरुमा एसिडिटीको समस्या उच्च हुन्छ ।
९. चियामा हुने कैफीनले चिया पिउन लत लाग्दछ जो पछि छाड्न ग्राहो हुन्छ ।
१०. अत्यधिक चिया पिउने मानिसको पाचन प्रणालीमा समस्या हुने गर्दछ ।
११. चिया धेरै पिउँदा दाँतमा दाग हुने क्याभिटि नास हुने गर्दछ ।
१२. धेरै चिया पिउनेहरुमा अनिन्द्राको समस्या देखापर्छ ।
१३. भोको पेटमा चिया पिउँदा पेट फुल्ने तथा अपच हुने समस्या देखापर्छ ।
१४. धेरै चिया पिउँदा भोक कम लाग्दछ, जसले शरीर पोषण अभाव बनाउने गर्दछ ।
१५. रंग कडा हालेको चिया खाने मानिसमा अल्सर हुने संभावना उच्च रहन्छ ।
