काठमाडौं । निजी अस्पताललाई आइसोलेसन सेन्टर बनाउन जिल्ला प्रशासन कार्यालय काठमाडौंले गृह मन्त्रालयलाई पत्राचार गरेको छ ।

काठमाडौं उपत्यकामा कोरोना संक्रमितको संख्या बढीरहेको हुँदा निजी अस्पताललाई पनि आइसोलेसन सेन्टरमा रुपान्तरण गृहलाई पत्राचार गरेको प्रजिअ जनकराज दाहालले जानकारी दिए ।

शुक्रबार उपत्यकाका तीन प्रमुख जिल्ला अधिकारीहरूको बैठकपछि सिडिओ दाहालले निजी अस्पताललाई कोभिडका बिरामी राख्ने आइसोलेसन सेन्टर बनाउन प्रस्ताव पठाइएको बताएका छन्। उनले गृहको स्वीकृती पर्खिरहेको बताएका छन् ।

आज मात्रै उपत्यकामा १०६ जनामा कोरोना संक्रमण देखिएको छ। लकडाउन खुलेलगत्तै काठमाडौंमा कोरोना संक्रमितको संख्या तीव्ररुपमा वृद्धि भैरहेको छ।

काठमाडौं उपत्यकामा मात्रै ६७४, भक्तपुरमा ७८ र ललितपुरमा १०२४ जनामा संक्रमण देखिएको छ।