काठमाडौं । स्वास्थ्य तथा जनसंख्या मन्त्रालयले निजी तथा सार्वजनिक सवारी साधनहरुमा फेरी जोर विजोर प्रणाली लागू गर्न प्रस्ताव गरेको छ । काठमाडौं उपत्यकामा कोरोना भाइरस संक्रमणको जोखिम बढेसँगै मन्त्रालयले यस्तो प्रस्ताव अघि सारेको हो ।

मन्त्रालयको प्रस्ताव कोभिड–१९ संकट व्यवस्थापन सेन्टर (सीसीएमसी)को निर्देशक समितिमा विचाराधीन छ । पछिल्लो बैठकमा छलफल भएपनि यसबारे ठोस निर्णय भने भइनसकेको बताइएको छ ।

सरकारले २६ असारबाट निजी सवारी साधानको जोरविजोर हटाएको थियो भने उपत्यकामा तीन जिल्ला र बाहिर जिल्लामा सार्वजनिक सवारी चलाउन दिएको थियो । त्यस्तै भदौ १ बाट लामो दुरीको सवारी पनि चलाउने तयारी छ ।